Kenny當子珊好兄弟

放大圖片

　■關智斌出席活動遭歌迷包圍。

　【本報訊】(記者　許紹基) 匯豐銀行昨天於奧海城舉行《匯豐強積金Fund Fun 同樂日》，邀得鄭希怡、泳兒、關智斌(Kenny)等任表演嘉賓，而當Kenny完成活動準備離開時，熱情的歌迷們一擁而上，場面一度混亂。

　早前有報道指Kenny與徐子珊拍攝劇集《學警出更》時互生情愫，繼而「撻著」，Kenny昨天提到此事時直呼無辜，他說：「當時只是四個人放工後食飯，其實並沒有甚麼特別的意思！(報導說你和徐子珊兩人『雞啄唔斷』，冷落了身旁的沈穎婷！)四個人就係一齊傾偈，都無話特別邊個同邊個講。子珊咁『男仔頭』，我當佢係好兄弟。(報道又話你提到拍拖一事時就刻意迴避﹗)都唔係，唔想講係因為唔想影響人。」當問到二人可有否發展機會時，Kenny笑言徐子珊為人粗魯，故只會當是兄弟；那自此之後又可會保持距離？Kenny答道：「不會，但就會比之前小心，因免得影響別人。我們二人就此事都有通過電話，但都覺得得啖笑！」