 放大圖片
【本報訊】無線《東張西望》節目昨晚繼續播放肥肥沈殿霞的獨家專訪的第二部分，節目中肥姐透露自己病危時一度認不到寶貝女欣宜，又講述了當日印傭偷拍情形，談起事件她仍怒氣未消。
肥姐節目上首先多謝瑪麗醫院的醫生及員工盡心盡力醫治她，肥姐透露欣宜經常去醫院陪伴她，但沒有在她面前落淚，不過醫護人員就告訴她每次欣宜離開時都會躲起來偷偷哭泣。
我一定要活下去！
肥姐聲音也震抖地說：「好感動，所以當醫生話我有腫瘤時，我冇流過一滴淚，就同醫生講我將自己生命交畀佢，佢要點醫就點醫，我一定要活下去！因為仲有一個十九歲的女，做人只要正面及積極就可以過關，今次我算係過咗關。」肥姐謂自己最危險時一度認不出欣宜，不過因當時自己也不知道情況，她示意欣宜講述。
欣宜憶述：「當時走到床邊對媽咪說：『媽咪，知唔知我係邊個，我係你個女，好掛住你，你快搵好番。』此時肥姐竟以驚奇的眼神望著，又用手掃她的頭道：「唔使喊，我錫晒你，你媽咪好快就返來。」可見當時肥姐完全不知道欣宜就是自己的女兒。畫面上見欣宜說完即哭起來，肥姐憐惜地向欣宜道：「我依家認到，好番啦！好番啦！」然後與欣宜互相擁抱。
人贓並獲親捉偷拍印傭
講到印傭偷拍她一事，肥姐仍非常怒氣，肥姐說：「知道被偷拍梗係唔開心啦！佢好唔尊重政府醫管局的規例，効深切治療部入邊，除咗我之外，仲有好多更加危險的病人，人命交關，動機卑鄙，影到我又如何？係冇文化先咁做。」肥姐又憶述該印傭進入病房的情況，當日自己是清醒的，當一名陌生人進入後，有醫護人員跟肥姐說：「肥姐，兩個賓妹放晒假，呢個係替工。」此時對方的態度已令肥姐懷疑，因為對方眼睛沒焦點。
肥姐說：「如果佢認得我，一定會行來我床邊同我打招呼，但佢冇，我見佢柏住背囊，膊頭前面有一個細袋，又見佢好似陀螺係咁轉，就覺得佢應該係來偷拍，佢袋入邊應該有針孔照相機，我即刻同護士講Stop her,I don't know her，又問佢Who are you不過佢冇理我，我又叫佢Bring your camera out，但佢一樣冇理到，唯有報警囉！警方到場後真係發現佢有針孔機，仲係working，可謂人贓並獲。」
不懲罰更加無法無天
對於印傭被判入獄四星期，肥姐認為一個人犯法就要對所做的負責任，她亦尊重法庭這個判決，肥姐謂：「唔畀懲罰唔得，否則會更加無法無天，雖然我係藝人，但都要自尊同私隱，影我臉青口唇白為乜𣜭我都唔明。」
在節目最後，肥姐又多謝大家：「無大家的支持同關心，我都過唔到呢一大步。」肥姐再次多謝大家關心和支持！
|
放大圖片
