 放大圖片
■林海峰將會為演出閉關度橋。
【本報訊】（記者 李思穎）《林海峰是但口翕𢸍低噴飯》將於十二月十六至十八添食三場，合共四場，昨日阿Jan便舉行招待會公佈有關詳情，Jan亦於昨日開始正式放假「閉關」度橋，開騷期間會有Jan設計的紀念品發售，他笑言屆時會在場內設立售貨攤，相信到時觀眾想來購物多過睇騷。
Jan半帶認真謂：「會有T-恤、電話繩、襪，底衫褲出售，小朋友衫都有，除了擔心唔夠話說，還擔心唔夠東西賣，（會否邀請嘉賓？）我會請明星推銷員，最緊張是貨源令觀眾不滿意，總之還有試身室，一定無針孔，大家唔使驚，人家（指黎智英）都認錯了，應該不會有事發生，（底褲會唔會有你個樣？）因為係T-Back，所以落唔到我個樣，或者著低腰褲時露出T-Back，會見到我條眼線。」今次Jan將演出陣地由伊館移師到會展，每場容納的人數更多，超越上次的入場人數紀錄。
|
放大圖片
