 放大圖片
【本報訊】（記者 李思穎）一眾歌手昨日出席「06年度叱卂樂壇流行榜頒獎典禮」招待會，他們逐一講述一個代表其過去一年的英文字，其後進行答問大賽遊戲。出席女歌手當中以容祖兒衣著最性感，一襲deep V低胸裙露出「微胸」，搶去不少風頭。
容祖兒乃去年金獎得主，今年她的同性好友何韻詩走勢凌厲，兩人的好友身份演變成競爭對手，Joey竟說友誼關係受到影響，不過亦無懼「斷背」傳聞，依然力撐阿詩。
可能已影響友誼
問容祖兒有否信心蟬聯女歌手金獎，Joey笑說：「今年已經問得遲了，基本上翻查去年，差不多也是這些問題，總之一定對自己有信心。（今年阿詩走勢凌厲？）有人好有人唔好，一定有些人更好，這是好事。（你們由朋友變成勁敵？）唔係既，一個健康樂壇大家都係勁，這樣先係良性競爭。（會否影響友誼？）唔知蕂，可能已經影響了，不過阿詩今年成績不錯。（最大勁敵？）我無探討過這個詞，最開心係大家一起好，上台取獎的，全部都係friend，咁多年朋友不會去計較，再刻意去講就好搞笑，我睇好自己，都睇好阿詩。（打後可能又有不和傳聞出現？）上年傳三個不和（包括千嬅），今年應該都會不和，我都要係大家面前攬頭攬頸。（這樣做可能又話你「斷背」或虛假？）真係左右做人難，希望頒獎禮快些過去。」
「軟硬」回娘家爭獎
「軟硬天師」是商台愛將，昨日更被安排坐在頭行位置，今次「娘家」舉行頒獎禮，軟硬佔盡優勢，Twins今回遇上強敵，軟硬自從93年退出樂壇之後，相隔十多年再參與頒獎禮，問到有否信心，林海峰（Jan）說：「我要趕住錄《愛得太遲》新版，趕年尾的播放率。（娘家搞頒獎禮，你瓊係親生仔，應該很著數？）我又唔係鄭嘉穎，又唔係李克勤，我瓊係孖胎，反而蝕底，點會錫晒兩個，都唔知點分。」
樂壇頒獎公司最緊張
Twins只得阿Sa出席活動，而阿嬌正在橫店拍戲，短期內都只得阿Sa一人應付公開活動，有說今年「軟硬」最大機會奪得組合獎，阿Sa謂：「入行五、六年，但凡獎項、銷量、票房都是唱片公司最緊張，作為藝人最緊要是付出過努力，就算得不到金獎都無所謂，自己都喜歡『軟硬』，又喜歡『草蜢』，希望他們得獎。今年Twins有三分二時間不在港，可說是搵錢年，不過開支都很大。」Twins預計今年自己和父母的稅項，加埋過百萬，阿Sa緊張說：「稅項要清清楚楚，瞞稅好大件事，千萬不可騙政府。」
問陳奕迅有否信心蟬聯男歌手金獎，他表示無所謂，因為金、銀、銅三個顏色的獎項都得過，可以自誇無人像他有齊所有顏色，多年來得到朋友的支持，令他感到自豪，這並不是囂張。（邊個追得最貼？）唔知，感覺上古巨基的播放率幾高，估計自己應無份取得「至尊大碟」獎。
|
放大圖片
