|
【本報訊】(記者 李思穎)初為人母的袁詠儀昨日接受查小欣訪問時中氣十足，提到BB更難掩做母親的喜悅心情，BB仔出世幾天，靚靚覺得孩子的靈魂之窗似Chilam(智霖) 般長長的，高高的鼻子和嘴巴便像媽咪，見他經常想東西，應該屬於思考型。
專人教路餵人奶
剖腹產子的靚靚，在電話中傳出洪亮聲音，靚靚表示產後未開始進補，可能在懷BB時，媽咪準備蜜糖加人蔘開水，每日飲一小匙，幫助補氣，所以生完之後都好好氣。提到BB時，靚靚很冧地說：「佢好Q，好得意，幾好玩呀，可愛到好似一隻貓。」靚靚有專人教路餵人奶，所以很快上手，每當BB喊便要餵奶，醫生也主張她多些跟BB接觸，通常每隔二、三小時便餵奶一次，BB剛出世便對著靚靚笑，不過近日經常喊，靚靚估計可能BB吃得不飽，所以餵奶技巧再要好一點，醫生希望靚靚可以休息多些，故此半夜一餐便由姑娘開奶粉給BB。
全身打震似足貓王
袁詠儀又說：「BB聽到我把聲便會有反應。（現在很幸福？）多謝，Chilam好照顧我，早上去買早餐，夜晚會陪我過夜。(需要戒口嗎？)醫生話咩都食得，除了補品和去瘀的食物，我好聽話，因為我吃什麼，BB便是吸收這些食物，我都仲有人性的，哈哈。」
靚靚在分娩期間，張智霖全程拖住老婆的手，靚靚謂：「當時麻醉藥未過，我震到貓王咁樣，牙又震、頭又震、頭好痛，很不舒服，但當BB抱到我身邊，已經唔記得震了，整個手術不用一小時完成。（你什麼時候出院？）唔知，要的醫生通知。（到時又有一場革命，因要避過守候的傳媒？）已經部署好了。」
「易服」掩人耳目？
講到張智霖也很厲害，他出入醫院竟然沒人發覺，袁詠儀開懷地說：「咩叫易服？哈哈！不過第一日Chilam戴上口罩，佢以為好叻，無人認得出，點知剛落樓便有人上前話恭喜佢，哈哈！（BB出世時有喊嗎？）我以為會喊得好厲害，當聽到BB出來的喊聲，我的眼淚便湧上來，點知聽到醫生話斟茶畀我飲，其後護士話BB不停斟茶，我就忍不住笑出來，唔明點解BB咁多尿痾，哈哈！」靚靚同樣說Chilam見到BB的一刻時，表情好溫柔。
|
