 放大圖片
■陳奕迅細心聽歌迷模仿他唱歌，不時皺起眉頭。
【本報訊】（記者 李思穎）「Eason音樂互動Free Party」前晚假九龍灣展貿舉行，更即場邀請幾位男Fans上台演繹他的作品，陳奕迅的歌迷跟偶像極之相似，富有極強表演慾，有的唱到不願收口，結果換來台下一片「噓」聲，覺得有「醜化」歌曲之嫌，難怪陳奕迅都聽到眉頭皺，當陳奕迅頒獎給冠軍的男歌迷時，對方突然想錫陳奕迅的面，陳奕迅愕然問：「你做咩呀？」終能逃過該男Fans一吻。
問到Eason有否被男歌迷的熱情嚇襯？他笑笑說：「佢無錫到，只係企圖想錫，我被嚇一跳，但係無叫出來。（有否試過給男歌迷索吻？）唔想記得，好抗拒，除非飲醉酒不知道。（女Fans的話，又會否抗拒？）要睇質素，若然口唇生瘡又爆擦，便不好了。（剛才你聽歌迷唱歌時，聽到緊皺眉頭？）我係集中精神先聽到皺眉，你們不要誤會，如果有專業歌手唱到咁，我就幾驚，哈哈，其實我綵排時，音響效果較理想，正式演出時，因現場吸了人聲，控制台同事便把音響推高，我頭先唱得好辛苦，所以不開心。」
最近有傳環球、上華、新藝寶、正東四間公司合併為一，會節省資源，準備淘汰一些歌手，新藝寶旗下的陳奕迅謂：「唔會裁到新藝寶啦，我瓊得兩個歌手，一個休假（指謝安琪），應該唔會裁我啦，我仍要出碟，公司又幫我定下大計，亦不知道裁員的事。」
|
放大圖片
