 放大圖片
■馬浚偉07年目標鎖定「我最喜愛的男主角」獎。
馬仔形容06年是很開心的一年，他得到很多，回歸無線後第一套電視劇《鐵血保鏢》便為他帶來「我最喜愛的電視男角色」獎項。「記得《鐵》片播出之前，外間一直睇淡，我就知道呢套劇一定掂，因為監製有李添勝，演員又有黎耀祥、郭鋒、雪梨姐等等，個個都係好戲之人，所以當大結局最高有42點，破晒星期五大結局收視紀錄，我開心到響電話度大嗌。到得獎真係好感動！證明自己眼光冇錯。」
馬仔笑謂：「好鍾意叫人跌眼鏡，你話我呢套劇唔得咩，我就要得畀你睇。呢種感覺很正！得到『我最喜愛的電視男角色』獎後感受到一股強大壓力，不過正面，我會繼續努力，07年當然是朝著坃『我最喜愛的男主角』出發，有剛拍完的新劇《突圍而出》，準備拍一套關於拉丁舞的新劇，目前自己請老師學跳舞，攻克了跳社交舞的弱項，加上同廖碧兒、徐子珊合作已有默契，對這套劇信心大增。」
07年馬仔還有一樣新挑戰想試。「舞台劇我一直都好有興趣去做，07年應該會有一個開始，我要好用心去做，要做就要做到最好。自己唔係話因為做舞台劇好型所以要去做，是因為演舞台劇唔同拍戲，你拍戲得到認同，唔代表在舞台上會一樣掂，我希望兩樣都掂！」
|
放大圖片
