|
【本報訊】（記者 梁靜儀）黎明昨日以A Music老闆身份出席楊千嬅的加盟記招，原來兩人入行多年，以前又是同一間唱片公司，都沒有機會正式合作。問到他與千嬅可會有合作機會？黎明說：「如果有適合的都會合作。(你會如何捧千嬅？）千嬅本身是個成熟、有戰績的歌手，大家合作都要付出努力及很多時間，我都唔係神，係一個人，不過方法好簡單，揀搵適合她本身的歌去唱，以及我會畀個人意見佢，互相交流𣈳。」他透露已找人為千嬅寫了幾首新歌。
提到外間將千嬅與衛蘭比較，黎明說：「視乎你有冇心去做，有冇平衡點，佢瓊兩個出道時間唔同，難道同王菲比較，仲有一大段距離。」
有報道指他一直嫌衛蘭肥，更訂下六大規條，對此黎明否認嫌棄Janice肥，更指這是傳媒唯一攻擊她的聲音，他說：「甚麼六大規條九大鬼，就算她父母都唔會咁話佢。當然我唔會鼓勵她肥，但我冇嫌佢肥，只是有次佢拍廣告，我覺得佢瘦番少少先襯到架綿羊仔，就係咁。」
|
