 放大圖片
【本報訊】（記者 李思穎）薛凱琪在蘭桂坊的Volar吧夜蒲被指結新歡後，日前有報道指薛凱琪的緋聞男友房祖名拖四女在同一間吧蒲，他對其中貌似大碼鄭融的女仔特別有好感，帶有醉意的祖名更搭至英皇員工Ada的腋窩，昨日祖名接受查小欣訪問時，解釋該夜店是一班朋友的聚腳點而已，至於薛凱琪出席另一個公開活動時，未知是否醋意大發，竟說看完該報道很心涼，佢都有今日。
祖名聽到鄭融的名字遭拖落水，不禁說要同朋友講對唔住，(係咪一拖四？)唔係，自己從入行開始已認識Ada，大家是很好的朋友，其他人是她表妹和朋友，我也是認識了幾日，因為Ada住得遠，才送她回家，自己拍《男兒當自強》，工作時間日夜顛倒，所以有時收工便去蘭桂坊跟朋友聊天，沒有朋友便很大鑊。(報道指你流住爸爸風流的血？）咁寫唔出奇，通常都會牽涉好多人寫出來，點解唔可以友善一點？(話你有父親做榜樣，所以有樣學樣？）我有個阿媽蕂。
媽咪不會催婚
當說到要否向媽咪解釋時，祖名語帶緊張謂：「不希望她不開心，我同朋友飲野，阿媽唔可能罵我，不過媽咪的工作通常要『哦』個仔，我會點頭話下次小心，唔去飲野就不可能。(要向爸爸解釋嗎？)他在這行工作，明白是什麼一回事。(會否致電給薛凱琪？)佢咁早未起身。(話你醉酒駕駛？)要是在蘭桂坊出現，畀人影到就話飲醉，有女仔係荒源五馬，就話一拖三，環境證供一定話我醉，讀者自己去理解一下。」
有說祖名是城中鑽石王老五，祖名不禁苦笑。(是否有很多飛來蜢？)阿媽話好女不追男。(咁你就不停追女仔？)唔係，這是看緣份，同時媽咪也不會催婚，以前佢會話未讀好書不要拍拖，現時會說事業未有成，未賺夠錢點養家，所以我無想過結婚問題，媽咪也不關心我的緋聞，只要是結婚時給她過目便可以。媽咪也有提醒我小心識女仔。
不會飲醉後𡑔車
此外，薛凱琪昨日出席寵物嘉年華活動，她對祖名拖四女的報道未知是否不是味兒，竟說「睇完這篇報道好心涼，佢都有今日，之前我話畀人影了相，佢話自己是悶人，不會是狗仔隊的目標」，其後薛凱琪又力撐祖名：「其實後生仔女去蘭桂坊都好正常，就算佢送女仔返屋企也是紳士風度的表現。（他試過拖你嗎？）無拖過我，我識得推開周圍的人，可能今次她拖的是弱質纖纖的女孩子，（相信該些報道嗎？）我不信內文，（話佢拖女去廁所？） 沒有圖，我不相信，就算有圖都要看角度，還是電腦做過手腳，（祖名醉酒駕駛？）我試過同佢出去飲野，佢份人好驚青不會飲醉後駕車。（祖名好威一拖四？）我覺得佢好受歡迎，睇完之後個心好開心，（你輸了給他？）係呀，我輸咗，或者我試下一拖五隻狗仔出來喇。（祖名對大碼鄭融有好感？）睇落都有少少似，鄭融.not bad，係我朋友，佢真係Good。」
|
放大圖片
