 放大圖片
■馮偉棠(左起)與李志剛、曾志偉、梁思浩、梁繼璋、貴花田，齊齊介紹港台「十大中文金曲」頒獎禮。
【本報訊】（記者 李思穎）因與容祖兒傳不和、又被英皇老闆楊受成指「大蝦細」的曾志偉近日成了新聞人物，昨日在港台「十大中文金曲」頒獎禮公佈嘉賓司儀陣容上，曾經被摑的梁思浩和被扑頭的曾志偉都有份出席，兩人在活動上一唱一和如唱雙簧，似是若有所指。
今年大會安排的嘉賓司儀陣容有志偉、楊千嬅、梁繼璋、梁思浩、貴花田等，而楊千嬅因拍戲關係不能到場，遂透過電話講及首次任司儀的心情。
整個活動的對話，志偉和其他主持不時語帶雙關，主持人李志剛指志偉在去年以不同學校來比喻不同頒獎禮，問他今年會有什麼精句，志偉表示：「未想好，今年都有好多話題，都係樂壇盛事。（係咪傾唔傾偈? ) 這是小事，最重要大家開心。」
楊千嬅想贈安全帽
梁思浩表示和志偉好耐無合作，志偉指大家做唔同既野，一起攻擊唔同既野，主持人李志剛即說：「但係畀同樣野攻擊。」梁思浩說最緊要把口犀利，骨頭夠硬，志偉即說「頭骨要硬」。思浩問另一位主持人貴花田和曾志偉做節目，係唔係「傾番來」？志偉便笑笑說：「都好傾既。」
當千嬅透過電話講述當司儀的心情，志偉抵死地問她會不會喊？楊千嬅反問點解要喊，除非你兜口兜面鬧我，志偉問千嬅又轉會嗎？否則點會鬧她。楊千嬅覺得跟志偉合作，可以促進腦部發育變得聰明，企在對方旁邊轉數慢一點都大件事，不像施政報告這樣嚴肅，今次應承做司儀是想同志偉合作，自己見到志偉做選美節目覺得幾好睇，想緊企佢隔離要不要戴安全既野，例如工業用的帽。（點解做司儀要戴安全帽？）近排有好多報道，我見到校長都話買頂帽畀佢。」
「喪笑」乃司儀基本功
當志偉知道千嬅在新戲要做賣魚角色，便問千嬅賣魚最難是什麼，千嬅不加思索道：「鑑生扑死條魚。」轉數極快的志偉有感而發說：「扑魚都咁殘忍，何況扑個人。」千嬅即謂：「有無事，係咪無事蕂。」思浩插口：「剩係志偉就無事，加埋邊個就……。」
其後大家開志偉玩笑，指他鬥頭硬？「黐線，講咁既野（以為你要表演頂磚？）司儀係用口講，還有咁辛苦。（會否將Joey事件做話題？）唔會再講，已經交待了，其實唔係咁大件事，只係新聞越炒越大，應該好快會遺忘。（會要求不跟Joey同台嗎？）唔會，兵來將擋，又不是一次半次，日後都要面對，無須介懷，已經過氣。」
談到首度跟千嬅合作，擔心她到時喪笑嗎？志偉說：「這才是主持的基本功夫，有肥姐本錢，笑咗先，肥姐便是始祖，帶給觀眾輕鬆一面，千嬅會做得到，最緊要真，相信她是個很適合的司儀拍檔。（你到時都真情流露？）到時先算。」
|
放大圖片
