 放大圖片
■劉德華覺得現在樂壇頒獎禮不夠開心。
【本報訊】(記者 李思穎)劉德華昨日接受查小欣電話訪問，大談現今頒獎禮不夠開心，越來越商業化。
華仔覺得頒獎禮沒有公平與不公平，只有規矩和無規矩，正如「勁歌金曲」的規矩是「唔到無獎」，現在的頒獎禮唔夠開心，以前台慶或任何活動被邀請都會覺得榮幸，覺得樂壇好重要，現時剛好相反，只會想到我幫你做些事可以換到咩，這可能同歌手無關，是唱片公司和經理人的問題，已經將之當成工作，其實頒獎禮和台慶並非工作，應該是一件盛事，只是漸趨於商業化，自己都會盡量參加不同頒獎禮，最好由電台開始搞，希望每個人都開開心心，有時話獎項唔係咁緊要，不過都無人喜歡參加頒獎禮時好醜，我都會想如果今年『亞太男歌星』無份會好醜，以前都有實至名歸四個字，可是現時永遠都說造馬，如果今日劉德華得到金曲金獎畀人話造馬，我都唔開心啦。」
又有報道指周杰倫於九年前未竄紅時寫過一首《眼淚知道》給華仔，當年華仔沒有用這首作品，時至今日，華仔找Jay寫歌時，Jay便獅子開大口要每首歌收二千多萬港幣，華仔笑言：「真係唔知有首『眼淚再流』，佢寫第一首歌給我時已經紅了，如果收二千多萬，我都無錢分啦。」
|
放大圖片
