 放大圖片
到底軟飯王可以有幾大胃口兼厚顏無恥？前度超級軟飯王奇雲有辦你睇。據美國雜誌《Star》披露，自從Britney立下決心飛甩奇雲後，離婚條件是雙方拉鋸不下的事情，近日Britney為速戰速決，終於肯加碼奉送2,500萬美元給奇雲以求一了百了，怎料奇雲卻嫌錢少索價五千萬美元！
一名知情人士透露：「Britney最初打算支付一千萬美元，要奇雲彈開及放棄兩名兒子的監護權，但奇雲聽到這個價錢後只是冷笑。然後Britney將價碼提高到二千萬美元，但也遭到拒絕。現在Britney出到二千五百萬美元，說是最高價錢了，但奇雲叫她付雙倍。」據講奇雲此舉唔係為錢，係真係唔捨得兩個仔喎。
Britney今日「請鬼唔走」，只可怪自己有眼無珠，而她的舊愛Justin最近與金馬倫戴雅絲分手後就風騷到不得了。
Justin約會謝茜嘉比爾
話說Justin為新片《Black Snake Moan》去到日舞影展宣傳，但就無出席慶功派對，原來是與靚女謝茜嘉比爾約會，兩人一起往滑雪嬉戲，共度浪漫時光。不過知情人士就話Justin唔係拍拖，只係剛分手，想散下心𣜭。■文：飛馬
|
放大圖片
