|
曾蔭權正式宣佈參選，作為其競選辦公室主任的李國寶，當然忙到不可開交。放下東亞銀行公務，「寶哥哥」時刻伴隨曾蔭權左右，不但現身記者會監場，為煲呔打氣，更充當「迎賓員」，在萬豪酒店中進進出出、「�馱W�馱U」，為煲呔接待陸續抵達的大紫荊勳賢進入貴賓室。45分鐘的會面過去，他又親自護送大家離場，一路上連聲道謝大家畀面光臨，甚至為大紫荊開關車門。工夫做到十足。
雖然忙足整個上午，但寶哥哥依然心情「勁靚」，更風騷地笑談競選活動雖然緊湊，但自己勝在經驗豐富，「當然唔緊張，我慣咗，我都有上次的經驗啦！」
不過，當小記欲打蛇隨棍上，探聽「曾陣營」最新籌款進展，以及煲呔落區行程等「高度機密」時，他卻一見話題敏感，即時封口：「我唔講得呀！」寶哥哥如此賣力又口密，假如有「最佳競選辦主任」選舉，冠軍非他莫屬了。 ■本報記者
|
