哨牙葉童「咀戲」黃子華慘被「強啄」

放大圖片

　■黃子華的奸人堅扮相，「奸」在肚子裡。

　【本報訊】黃子華及葉童昨日在電視城為新劇《奸人堅》拍一場「咀戲」，劇情講述葉童追賊時不慎撞向黃子華，兩人失重心而一起跌在地上，哨牙的葉童牙齒撞著黃子華的嘴唇，當正式拍攝時，葉童第一下哨牙已碰著子華人中的右邊嘴唇，子華即時叫痛，並道：「唔好咁快，會死人�飽I」

　由於戴著假哨牙難就位，他們共NG了多次才完成該鏡頭。

羅蘭一咬 手臂留痕

　黃子華稱未試過與哨牙妹接吻，雖然葉童的哨牙程度達八級，但自己絕對沒投訴，他笑道：「今次直情係被強啄，當年被羅蘭姐在手臂上咬�髐@啖，雖然佢已經留力，但仍然係我心坎同手臂上烙下深深印記，希望今次唔會啦！」

　完成了該鏡頭後，黃子華表示除了痛之外，並沒有甚麼感覺，他道：「頭一下好痛，跟著就麻木了，都OK既，乜都要試嘛，佢後來都控制到用陰力，完全係一個『牙道』高手。(葉童透露沒有洗假牙喎？)我每日見佢在個盒度拿副假牙出來，佢夠膽戴我就夠膽畀佢啄。」

控制假牙 講究力度

　對於自己的哨牙碰痛黃子華的嘴，葉童表示都是劇情需要，由於她本身沒哨牙，如今多了一副假哨牙，故需要重新控制距離及力度。她道：「我覺得今次幾有趣，好多時都忍唔住笑，尤其係拍談情戲，一望見子華就想笑，希望呢副假哨牙唔會被指歧視啦！(你事前可有洗假牙？)醫生話唔使。」雖然葉童在劇中後段會變回靚女，但前段不乏哨牙戲，為讓觀眾見到她哨牙時最靚的一面，所以回家後也戴著假牙練習，以發掘出最靚的一面。