 放大圖片
■一眾名人出席Gas時裝騷。
黃宗澤、王貽興、陳嘉容、馬詩慧、李嘉慧等出席「Gas」時裝騷，而熊黛林、Ana R、周汶錡(Kathy)則擔任模特兒。
日前有雜誌稱黃宗澤(Bosco)和陳法拉私下言談甚歡，更指陳法拉「姣搶」Bosco，談到這單緋聞，他說：「得啖笑！話我成日同佢電話SMS，但我未send過畀佢，佢又無send過畀我。」
法拉是同事關係
Bosco強調與法拉只是朋友、同事關係，拍完劇和宣傳片後再沒有聯絡，亦察覺不到她對自己有意思。
但有人踢爆他們拍劇時傾得相當投契？他推說應該追問講的人，他與法拉只是普通傾偈而已。報道指杏兒曾為此事而喊過，Bosco連忙解話：「唔需要！我亦無見過佢喊。同杏兒是好朋友，比較好傾，感情較好。一個是朋友，一個是好朋友！(邊個適合你呀？)未深入了解到咁喎！」可擔心緋聞影響形象？他笑說：「所以咪話傳來傳去都係一個好囉，傳咁多做咩？唔好再傳其他！」Bosco大方表示再見法拉也不尷尬。
Kathy不擔心走光
周汶錡(Kathy)當晚穿上一件中空裝行騷，相當性感，她卻稱已做足防走光措施，不擔心走光，雖然近期少了行騷，偶然一次也不會刻意邀請男友捧場。Kathy被問到會否因今次酬金吸引才行騷？她說兩年前也有為該品牌行騷，最重要是做得開心，不一定要好貴價錢才請得到她行騷的。相隔長時間才再行騷，會否擔心被講閒話？她冷靜地說：「咁多年啦！我唔驚那些人，最重要做好自己，我個人一向唔鍾意講太多，少說話多做事！」
|
放大圖片
