 放大圖片
■江若琳的絕招，就是時刻保持甜美笑容。
寰宇新人江若琳(Elanne)在電影《嚦咕嚦咕對對碰》中的表現令人印象深刻，今年小妮子更以歌、影雙線發展。現年19歲的Elanne，身形嬌滴滴，愛心爆棚的她自小的願望卻是當獸醫，勇闖娛樂圈一切來得機緣巧合，並經過漫長路程才獲媽咪批准入娛樂圈，所以她十分珍惜眼前機會！
小時志願望當獸醫
從小喜歡動物的江若琳，不論是樣子可愛的白兔、倉鼠，又或是樣子嚇人的變色龍、青蛙，只要講得出的名字，她幾乎都養過，令屋企仿如寵物展覽館一樣。直至有一天，Elanne買了8條蝌蚪回家，經過3個月後變成青蛙，嚇到江媽媽花容失色，Elanne取而代之買了頭狗仔回家。
「那次我買了8條蝌蚪回家，養殖過程唔見咗條，點知道三個月後，隻青蛙忽然出現在花盆中，嚇到媽咪大叫救命，仲命令我即時放生牠們，後來daddy就買了現在的北京狗給我。我小時候的志願是做一個獸醫，一來我唔怕血，二來我希望可以幫到有生病的小動物。」
媽咪曾反對入行
16歲時參加《伙頭智多星》新人競選落敗，想不到在洗手間遇上寰宇老闆娘林太，並力邀其簽約成為藝人，可惜遭媽咪反對，結果開了多次家庭會議後，終勸服媽咪同意入娛樂圈，當中可謂一波三折。
「我媽咪是老師，屋企一直管教得好嚴，唔准去街，又唔可以講電話，要入娛樂圈更加唔可以。後來林太決定簽我，真是好意外。但一同媽咪講，她立即反對，但我覺得呢個機會好難得，結果開了多次家庭會議，在親戚們游說下，媽咪終於答應並要我盡力去做，唔好令到將來後悔。」
遠赴橫店拍劇落淚
簽約寰宇後，江若琳接受為期兩年的長時間訓練，讀演藝課程，跟老師學唱歌，努力裝備自己。年初為拍攝電視劇《詠春》，在橫店逗留一個多月。自小與家人共住的她，起居飲食均有家人照顧，此行令她很不習慣，更思鄉病發獨自落淚，認真可憐。
「那次去橫店，是我第一次自己出遠門，媽咪叮囑我不要四圍去，怕我有危險。為令媽咪安心，我會定時打電話畀佢報平安。可能第一次同媽咪分隔兩地，試過掛佢而獨自流淚，我又唔敢同佢講，怕佢會擔心。」
望初嘗戀愛滋味
經過大半年多彩多姿的水銀燈生活，Elanne最近更借新歌《撒嬌》，公開少女心事，她直言新歌是自己的寫照，因現時19歲的她未試過拍拖，因此希望憑歌寄意，大呼希望一嘗戀愛滋味，認真人細鬼大。
「我以前讀女校，媽咪管教好嚴，有男仔打電話畀我都鬧，我都想拍拖試同男朋友撒嬌。而我又夢想將來可以在香港以外的地方搞沙灘婚禮，上次去咗峇里島影婚紗相，在海邊食飯的感覺特別浪漫。但呢刻我都以事業為先，希望今年可以取得新人獎啦。」
|
放大圖片
