 放大圖片
■女主角枕在丹尼爾的重要部位上。路透社
無論家長是否喜歡，「哈利仔」丹尼爾域基夫的「人馬戀」話題舞台劇《Equus》已經在倫敦上演，香港觀眾既然無緣欣賞演出，就先看看最新發放的舞台劇照，從中領略丹尼爾要從純情哈利波特蛻變為成年人的決心吧！
如果影迷想從劇照領略丹尼爾的「股惑」，一定非常失望。官方單位只發放了丹尼爾裸出上半身騎馬仔的相片，比起先前所發放，與女主角光豬身貼身，以及與愛馬肉帛相見的宣傳照來得更保守。既然丹尼爾露股都是套劇的賣點，又點會咁輕易益你呢？雖然無股睇，但這輯相片就將丹尼爾食煙的過程如實反映，只見丹尼爾吞雲吐霧的姿勢似模似樣，未知佢係咪練咗好耐呢？家長見到「吸煙的哈利波特」，肯定又發火，指身為兒童偶像的丹尼爾教壞細路。
其實丹尼爾去到咁盡，無非都係想打破大眾心目中哈利波特形象𣜭。作為專業演員，他有如此舉動完全可以理解。很多童星出身而又受歡迎的演員，往往受到既定形象限制日後發展，令到星途從此暗淡。講真《哈利波特》本書都到了最後一集啦，丹尼爾仲可以做幾耐哈利仔？他趁人氣仍旺時早早轉型都係明智之舉。在戲中食煙、露股、講粗口，總好過很多荷里活紅星將戲劇放到現實生活啦？ ■文：飛馬
|
放大圖片
