拍檔警拒答是否幸運

放大圖片

　■死因研訊裁判官陳碧橋(前)離開石桃樓時，表現輕鬆。本報記者高仲明 攝

　【本報訊】（記者 陳美琪）梁成恩生前曾拍檔的警員兼好友陳子坤，當日因與梁調換午膳時間，而避過一劫。他昨日上庭作供憶述逃過「鬼門關」經過，死因研訊主任陸貽信問他認不認同逃過此劫是幸運時，他則反問陸貽信是否一定要回答問題，即時令現場的聽審人士為之突兀，陸貽信見狀最終亦收回有關問題。除此一幕外，昨日庭上亦出現多番妙問妙答場面，緩和死因研訊中沉重的氣氛。

死因裁判官陳碧橋—（官）

死因研訊主任陸貽信—（主任）

警員陳子坤：—（警員）

1） 主任：你覺得自己好夠運嗎？

警員(愕了一愕，靜默一會)：係咪一定要答？

主任：我收返呢條問題。

官：當日你12點30分食午飯，你就12點05分已經企定等警車接返警署嗎？

警員：係呀！

官：咁如果你食11點，你10點35分就開始等車？

警員：冇，「頭圍」(即頭一輪食飯的人)邊有咁早，警車要10點45分先到。

2） 官：點解梁成恩要行兩條咇(巡邏小區)?

警員：更表係有編排，但通常同事都會行晒兩條咇。

官：但係你上司昨日作供時唔係咁講。

警員：佢(上司)講的是理論，我講的才是實際情況，我瓊仲會兩個同事一齊行咇。

官：你上司話不同咇的同僚會互相幫助，但冇話會拖住手行咇喎。

3） 警員：除了一齊行咇，仲會陪食「頭圍」警員等警車接返警署，有傾有講嘛！

官：傾咩？講下一陣午飯食甚麼？

警員：甚麼話題都有。

4） 官：你們一齊等警車，唔使行咇嗎？

警員：等車都係行緊咇！石翠樓等車時，要處理的士阻塞通道問題，唔係等車咁簡單。