 放大圖片
■呂方聯同音樂總監倫永亮為演唱會練歌。
【本報訊】（記者 李思穎）呂方為本月九日開鑼的演唱會籌備得如火如荼，昨日聯同音樂總監倫永亮練歌，演唱會的排練進度已經差不多，隨時可以上台演出，女友嘟嘟全力支持愛郎，不惜親自入廚炮製愛心靚湯給呂方滋潤，令呂方感動不已，甜在心頭。
嘟嘟和呂方拍拖以來，恩愛如昔，愛郎開個唱，作為女友當然從旁照顧有加，嘟嘟特地炮製「蘋果生魚湯」給男友潤聲，呂方笑咪咪說：「『我教佢煲』，不過飲時真的有點感動，（會否在台上公開多謝女友？）煲湯咁簡單，其實好多幕後人都付出很多，很多人都要多謝，（趁機在台上向嘟嘟姐求婚？）唔會，咁老士，還是低調一點，屆時亦不會主動邀請佢上台，如果佢有興趣咪自己拿支咪上台唱，大家都開心，（最後一晚請嘟嘟姐上台？）睇情況，總之我不會主動，（點先可以見到兩人合唱？）大西洋城啦，我們都係咁樣識。」
女強人形象的嘟嘟，甘願為男友煲湯，此舉可證明嘟嘟很愛錫男友，呂方甜絲絲謂：「情侶係互相錫，我都暗中錫番佢，佢煲湯畀我，我又錫佢都係情趣。」繼而呂方又風騷地�饇O者先享受一下拍拖。呂方覺得最有難度便是跳舞，不過到時必定可以帶給觀眾驚喜，原先為個唱緊張的他，漸漸已能放鬆過來，最重要是有自信，便無需擔心，經過一輪操弗之下，已瘦掉八、九磅肉，難怪嘟嘟都指他現時的身形最瘦，不過呂方擔心完成演唱會之後，體重會打回原型。
|
放大圖片
