導演明益 唔狼唔收貨 小方鄧麗欣「吻戲」拍十次

放大圖片

　■方力申奉命「吻得狼」，而且一吻十多次，鄧麗欣當然也樂意承受。

　【本報訊】（記者 李思穎）方力申剛從多倫多、溫哥華工作返港，今次完成工作後還多留多倫多兩天，主要是探望定居當地的親友，同時去爺爺墓前掃墓，一盡孝心。

　方力申說：「我爺爺下葬在多倫多，自己身為長子嫡孫，當然要到爺爺墓前拜祭。（新春日子去掃墓，會否不大好意頭？）唔會，已經過了正月十五，況且今次難得有機會去多倫多，一定要去拜祭爺爺。」

　小方和鄧麗欣在《十分愛》片中，有場激吻場面，事後女方指小方錫得很狼，小方解釋：「一切也是應導演的要求，之前唔夠狼，所以導演唔收貨，其實這場戲很難做，張敬軒更在一步之外望住我們拍攝，感覺很尷尬，最終花上多個小時拍攝，錫了十多次才大功告成。」

　有說導演葉念琛明益小方，他笑說：「我拍得好辛苦，現實生活未試過咁狼死，我係斯文人。（Stephy好唔好咀？）無想過，咁狼之下，很難去享受過程。（係咪一吻定情？）上年已經錫過一次啦。」由於小方之前不在港，無法出席雷頌德的婚宴，前晚小方補祝對方新婚快樂，問到補送什麼禮物，小方笑指會教識佢個小朋友游水，在旁的雷頌德笑說十年教育。