不准爹瓊攬媽咪 徐濠縈女兒識呷醋

放大圖片

　■徐濠縈談到呷醋女兒，心裡好甜蜜。

　【本報訊】徐濠縈前晚出席「PUMA by Mihara Collectors Book」活動，同場還有劉浩龍和陳嘉容，向來被指大花筒的阿徐，現在有了女兒小堤後，便開始變得慳家。她賣口乖表示，自己一向都著該設計師的波鞋，亦會買這些波鞋給陳奕迅著。記者讚她好慳家，阿徐謂：「都唔係好慳，不過的確使得少�驉A因為依家忙住湊女，即使平日買衫，都係買畀個女多。」

　阿徐指女兒現在開始識得呷醋，她表示：「佢好得意，依家成日都要霸住我，剛才我出來，佢都拉住我唔畀我出街，有時我要靜雞雞出�薄C（你生多一個 ，佢可能唔會咁呷醋。）係呀，有時我抱小朋友，佢會推開個小朋友，我個女特別呷醋，性格天生既，有時陳奕迅攬一攬我，佢又推開陳奕迅，跟住話『Don't Hug Mum Mum！I Get Mum Mum！』之後就搵個位叫我坐低，要保護我。」阿徐坦言甚少裝出惡樣對女兒，難怪女兒愛跟她，阿徐踢爆陳奕迅就會鬧女兒，因為他性格急躁，只要見女兒做錯事，便放聲大鬧，甚至鬧到聲沙。