陳潔靈向哥哥致敬

放大圖片

　■陳潔靈和肥媽到新城接受薛家燕的訪問。

　【本報訊】(記者 李思穎)陳潔靈、肥媽瑪利亞、葉麗儀與馬來西亞歌后Anita Sarawak將於4月30日至5月1日假紅館舉行「亞洲殿堂天后演唱會」，昨日陳潔靈和肥媽到新城接受薛家燕的訪問，三個女人見到面即雞啄唔斷，原來是肥媽教家燕姐護喉心得。

　肥媽正為演唱會努力練跳印度舞，始發覺當中大有難度，練到腹部酸痛，而陳潔靈將會重新演繹《只怕不再遇上》這首歌，配上古典音樂，她強調堅持自彈自唱，務求做到不過不失，最重要是出於一份心意向哥哥張國榮致敬。

　前天是哥哥逝世四周年，陳潔靈和一些朋友都有到唐鶴德屋企，她晚上九點多便離開，她謂：「都係say hello，大家應該珍惜哥哥的存在，四年過得好快，真係要珍惜，我最記得同哥哥經常竹戰24圈，邊個武功較高，其實都講運，多數佢高一些。」

　肥媽形容今次四人是開武林大會，絕不能放部plasma在前面睇歌詞，陳潔靈贊成作為歌手不應該看plasma，肥媽插嘴說：「你咁講得罪好多歌手。」陳潔靈說：「無話得罪，係自己的演唱會萬萬不能睇熒幕，這是歌手應份做的事。」肥媽打趣說四人合算的唱歌資歷有135年，年紀共200多歲，所謂女人四十一枝花、五十可以再嫁，六十誇啦啦，我再嫁都係事實，哈哈。」