|
【本報訊】（記者 梁靜儀）梁詠琪在《女人本色》中飾演薛凱琪的上司，昨日薛凱琪跌傷，梁詠琪親眼目睹整個過程，更替師妹感到心痛，並叮囑以後要小心。
梁詠琪為無線拍攝的《向世界出發》於復活節期間播映，收視不跌還上升兩點，特輯中梁詠琪更真情流露剖白對愛情睇法，講到傷心處更流下眼淚，不禁令人聯想到她所指的正是與鄭伊健的一段情。不過梁詠琪卻否認是指某一個人，某一段情，純粹是想道出真說話，總之得到大家支持便是。問到是否與伊健的一段情最深刻？梁詠琪卻沒有正面回答，只說：「過去了唔講。」再問到她現時的感情生活，梁詠琪卻稱與自己拍拖就最好。
最近有雜誌指蒙嘉慧為了伊健而跟男友悔婚，又指伊健是第三者。梁詠琪即緊張的答道：「我無睇過，亦唔了解，無乜意見。」
談到戲中角色，梁詠琪形容角色慘絕人寰，既無事業，又無老公，個仔還因SARS而死去，所以拍攝期間情緒起跌極大，試過有一日更要由早喊到晚，比《向世界出發》還喊得犀利，幸好拍完後可以抽離角色。
|
