 放大圖片
■周汶錡被玩，仍然滿面堆笑，似乎幾「玩得」。
【本報訊】（記者 李煥成）專為08北京奧運而設的無線綜藝節目《奧運玩得叻》，昨日請來谷德昭、周汶錡、劉心悠、羅仲謙等擔任嘉賓。
外表文靜的周汶錡雖然在運動上不及他人，但講到運動的知識卻很多人都不能跟她相提並論，節目中她以事實證明，以千一分勝出比賽，相比曾擔任奧運主持的谷德昭可謂「贏成條街咁遠」，為斯斯文文的女孩子爭了一口氣，只可惜到最後投籃球失手，未能將價值五萬的翡翠取走。
運動知識爆燈
周汶錡稱平日絕對不會接觸到籃球、足球等劇烈運動，當日能夠贏出比賽只屬彩數。她說：「男仔運動我完全唔識，好彩那幾條問題我都識，諗唔到我可以咁高分。今日係我人生中第一次打籃球，雖然坃唔到份大禮，不過都好開心，無半點失望。」
節目開始時，主持陳百祥介紹周汶錡，他指每次見到周汶錡都是在外國，叻哥則以食家稱她，隨後笑問周汶錡是否不喜歡食中國菜？當大家正摸不著頭腦，周汶錡即回答：「唔係呀！我乜菜都鍾意食。」叻哥接著解釋說：「我既意思係你的男朋友無一個係中國人，你有菲律賓男友，有法國男友，不過偏偏就無中國男朋友。」此時，全場報以掌聲和笑聲，而周汶錡只可尷尬地傻笑。
之後叻哥更將他的太陽眼鏡送給周汶錡，叫她戴上眼鏡找個中國的男友，但她卻不願接受，並指這眼鏡為「有色眼鏡」。最後叻哥唯有轉送手上的男裝腕錶，叫她要找個中國男友之餘，還要守時。對於被叻哥將感情事搬上檯的周汶錡表示，叻哥都是為搞氣氛，所以並不介意。
|
放大圖片
