 放大圖片
■鄧麗欣對傳媒的炒作感無奈，擔心影響形象。
【本報訊】(記者 李思穎)方力申和鄧麗欣成功塑造成銀幕情侶，可是稍後小方與前緋聞女友鍾欣桐在新戲《出水芙蓉》要發展感情戲，這段三角關係的「新歡舊愛」前晚齊齊亮相「勁歌」節目，可惜沒有三人合照。
鄧麗欣昨日出席「全港大專生燦爛笑容選舉」活動，被問到前晚新歡舊愛出現電視城，她反問：「邊個新歡舊愛？」後來才說：「邊可以咁講？」她謂：「當晚得獎好開心，不過我瓊在化妝間時，見到好多相機對住化妝間入面影，已經預計到望唔望、笑唔笑都會畀人講，其實好大壓力，做咩都死，既然係咁當沒事發生便好了。(小方最擔心以後的新聞會影響到你？)佢都係講件事出來，因為預計到大家點寫，影響到工作就唔好，畢竟大家是情侶組合，怕會影響到形象。好似係Fans Club感動到喊，都畀人寫成我飲泣啦，以後出來都要露齒笑得好燦爛。(信唔信小方一腳踏兩船？)根本唔關事，佢一隻船都無踏過。(你咁清楚？)你瓊都係問番佢。(擔心小方和阿嬌合作會影響你們情侶拍檔形象嗎？)唔會，沒理由一直都一起拍戲，起碼大家已經認同我們，不會有影響。(小方和阿嬌合襯嗎？)靚仔和靚女，小方最易襯人。」
|
放大圖片
