無懼三角戀緋聞 方大同照約薛凱琪

放大圖片

　■方大同不會因為緋聞而避開薛凱琪。

　【本報訊】(記者 李思穎)薛凱琪（Fiona）和方大同、房祖名這段三角關係，似乎沒完沒了，日前Fiona和方大同被傳媒撞破兩人相約去看一部愛情浪漫片，對此，方大同解釋：「之前同Fiona都講過想睇這部戲，所以一起去睇，點知入到戲院已經發現有兩個記者，後來再多來七個，搞到好似開記者會一樣。當時的記者都有問關於Fiona，祖名三角戀的問題，這些問題已經問到悶。」

　方大同認為跟Fiona睇戲是一件簡單的事，大家是朋友關係，問到兩人有發展可能性嗎？方表示他們是發展的朋友，是很好的朋友，祖名也是朋友，(下次三人行便減少一些傳言？) 沒有問題，其實以前都試過三個人的約會，只係我同Fiona同公司，約出來便比較容易，因為當日Fiona早了收工，所以便約出來看戲，睇完戲之後也沒有下場。(擔心被祖名誤會嗎？) 我們都是朋友，難道誤會我追祖名咩，總之同Fiona唔會因報道而有所避忌，依舊會約去睇戲行街，只希望報道不要太離譜便可以。」