[2007-05-04] 要阿爸飲烏龍茶 基仔未識沖「新抱茶」 放大圖片
■中醫師為基仔把脈，指他身體機能一切正常。
【本報訊】（記者 梁靜儀）古巨基昨日以代言人身份，到觀塘為「位元堂」的新店擔任剪綵嘉賓，並與新一輯廣告主角小四現場大耍功夫，展示下盤馬步。
基仔笑言自己的下盤都OK穩健，至於下體則見仁見智，因為昨日穿的褲比較窄身。他謂近日都忙於灌錄新碟及籌備九月舉行的個唱，以致經常失眠，所以要食中藥來調理身體。
母親節將至，問到基仔會否送一杯新抱茶給媽咪做禮物？基仔即推說：「我問𣈳有無得執一劑新抱茶先？阿爸比媽咪仲要心急飲新抱茶，但我現在仲未識沖新抱茶，飲住烏龍茶先。」問到他可有飲定中藥調理身體，為做爸爸作好準備？基仔笑稱：「做唔做爸爸都要調理，我年紀都唔細，希望四十歲時有廿歲的精力，問你怕未？」問到他可有恭喜李克勤快將做爸爸？基仔卻反問克勤是否已承認有喜，若然是，他會恭喜對方，否則好像很八卦似的。
之後中醫師為基仔把脈，指他一切正常，而且腎功能好有力，只是𡘾苔較黃。基仔聞言後開心不已，更笑稱會keep住，而𡘾苔黃是因為剛吃過糖。另外，昨日擔任司儀的新城DJ鄭啟泰，竟將店舖名說成另一間中藥舖名，可謂相當倒米，鄭更被基仔取笑他滴晒汗，又為他用紙巾抹汗，情景搞笑。
|
放大圖片
