|
【本報訊】（記者 李思穎）鄭秀文演唱會開騷，大家都關注她的舊愛許志安會否捧場，然而安仔昨晚要為新歌錄音，未能率先去紅館支持，不過安仔揚言鄭秀文的演唱會，一定會去睇，更自爆幫親朋戚友掃了百多張鄭秀文個唱門票，依然供不應求，搞到他都無符。
安仔謂：「唔知邊晚得閒去睇，點都會睇，或者叫佢去卡拉OK開一場啦，身邊屋企人和朋友都託我買飛，最唔明係佢瓊通常臨近開騷先託買票，一早又唔買，這些經歷已經遇過不少，有時幫朋友買了飛，對方又話個日唔得閒去睇，想起來都很煩。」
安仔的新歌《前程錦繡》，是由at17監製和編曲，昨日他們到電台宣傳，安仔表示：「她們的第一次給了我，對她們的第一次好滿意，好舒服，唱完成首歌仲好興奮，第一次仲成晚係度嗌，唱歌當然要嗌啦，由於合作愉快，今晚會再錄另一版本，當中有at17唱和音。」at 17對安仔的第一次同樣滿意，覺得安仔如像一個資料庫，可以唱出不同的腔去選擇，雖然大家份屬不同的公司，彼此合作不會有衝突。安仔更自爆自己入行那年便是at 17出世的一年哩！
|
