 放大圖片
■《謎》收視報捷，鄭少秋、王貽興及呂慧儀三位主持頓然成了議論對象。
【本報訊】（記者 梁靜儀）由鄭少秋、王貽興及呂慧儀主持的探索式節目《謎》，上周收視有廿三點，比之前同時段播出的《一生為奴》高出八點收視，昨日三位主持齊出席祝捷會，並對近日觀眾在網上的投訴逐一拆解。
《謎》播映以來的收視雖然不俗，但觀眾的投訴亦同樣多，有網友投訴節目多血腥，又有指節目內容悶但又解不開謎底，還有主持人王貽興講野時鼻音重，似含住粒欖，至於「謎女郎」呂慧儀被指集集都著紅衫似隻女鬼。
觀眾一百七十多萬
節目中被喚作「Adam鄭」的秋官，被問到英文名來源，他表示因為中文名叫鄭創世，於是便想到創世紀的阿當（Adam），所以連太太也被迫叫Eve(夏娃)。對於《謎》接獲多宗投訴，秋官指只是少數觀眾投訴，否則又點會有170多萬觀眾收看。他也有上網睇過留言，但覺得拍的時候好生色，如果連語調都不變，仲好唔好睇呀？他又笑說：「鬧咪好囉，等觀眾發洩一下，最緊要他們鬧完再睇，拉返高收視。」
太太唔鍾意「謎女郎」
他又力撐「謎女郎」呂慧儀，指她每次出現好搶鏡，至於指節目內容悶，秋官卻不認同，他說：「有幾多觀眾真的『僕』効度睇Discovery呀？專業人才睇可能覺得唔夠吸引，但一般大眾會鍾意睇，我就覺得幾引人入勝，如果解答得清清楚楚就唔夠謎啦，咁樣觀眾至有興趣繼續睇落去，我屋企都係百彈齋主，但都鍾意睇。」問到太太官晶華又是否喜歡睇？秋官竟說：「太太當然唔鍾意睇『謎女郎』啦，因為佢對比自己嚟講，覺得自己唔夠後生同靚女。」說罷秋官知道說錯話，於是便笑著叫記者要小心搵寫，否則他返屋企又畀人鬧。
鼻音重乃阿媽所賜
王貽興對於網友將他的樣移花接木變為人狼，秋官就變蜘蛛，他覺得網友非常生鬼又有創意。對於做主持被批評造作，他坦言不想用同一風格主持，怕被觀眾定型。至於指他說話鼻音重似含住粒欖，他笑說：「一向都鼻音重，阿媽生成。」他表示所有意見都會聽但會分析，而且覺得有時也不用太認真去看待。雖然有人鬧，但覺得有人睇才會有人鬧，都是好事。
「謎女郎」呂慧儀對被投訴似女鬼及似佈景板，她一概不認同，但就承認個妝較為艷麗。她又透露每集都有不同造型，稍後有一集內容是講水怪，她就會以泳裝亮相，不過最喜歡還是另一個神奇女俠的造型。
|
放大圖片
