|
【本報訊】（記者 李思穎）毛舜筠參演新片《老港正傳》(前名《老左正傳》)將於六月中上映，昨日毛毛聯同導演趙良駿到電台宣傳，片中其他演員尚有黃秋生、鄭中基、莫文蔚，毛毛的角色由20多歲演到50歲，更要飾演鄭中基的媽咪，最初毛毛聽到要做鄭中基媽咪時，不禁「𣈳」了一聲，她笑言大家是同輩，所以演起來都有難度，思想上必需克服到「可以生得佢出」的心理哩。
毛毛說：「戲裡面係草根階層，所以無咩化妝，至於跟秋生合作，原本以為佢有個行規，就係每日工作十小時便要返屋企，我就諗自己都唔會好辛苦，點知佢話唔係，因為好難得遇到一部咁鍾意的劇本，最驚係好快拍完，原來佢喜歡的便會𠳓身投入。（有指秋生喜歡說話時爆粗？）佢唔係隨便講粗口，講得出總會有意思，其實自己好開心同佢合作，演技好好，真係高手，我好佩服佢，我唔係咁容易佩服人。」講到飾演毛毛兒子的鄭中基，問到有否見過阿Sa來探班，毛毛醒目說：「我唔講人家的事，否則我便是毛妹，我係毛姐，點會講細路仔既事。」
|
