 放大圖片
【本報訊】（記者 李思穎）關詠荷產後復出參演劇集《同事三分親》贏得不俗收視，原來該角色最初屬意毛舜筠擔演，其後毛毛忍痛割愛，由關詠荷成功執二攤，如今毛毛都覺得錯失了一個好機會。
毛舜筠昨日在電台訪問中透露：「去年珍姐(曾勵珍)搵我拍劇，我聽到一班組合時興奮到不得了，全是以前在電視台合作的鑽石班底，當時即刻想答應，但係發現自己有好多問題，因為處境劇的製作時間係早上7、8點開工，晚上十點收工，日日如是，我都問過之前拍過處境劇的阿旦(鄭丹瑞)，聽完佢個版本仲驚，所以我都好驚，分分鐘頭家會散，跟住同老公開會，思前想後，覺得環境並不許可，無理由要仔女突然唔見咗阿媽成年，其後我唔敢面對珍姐，都係傳短訊給她講出自己的處境。」毛毛不排除遇到好劇本的話，會接20集的劇，問到會否想演《溏心風暴》，她哈哈笑說：「有阿姐(李司琪) 搞掂啦。（要你做細契的角色呢？）無話做唔做咩角色，都係視乎劇本。」
|
放大圖片
