何韻詩自薦 聲音反串「森仔」

放大圖片

　■何韻詩反串配音，搶了男演員的飯碗。

　【本報訊】（記者 梁靜儀）何韻詩與何超儀、王菀之及黃偉文昨日出席「群聲拱照《阿森一族大電影》發佈會」，大會並即場宣佈四人將為該動畫配音。向來男仔頭的阿詩，將首次反串為森仔（Bart）配音，與聲音演出的黃偉文（Wyman）演兩父子，她笑言：「自己把聲似口靚仔多過口靚妹。」

　阿詩表示以前在加拿大居住時，已是這齣動畫的擁躉，覺得好似外國版《蠟筆小新》，劇中最鍾意就係性格夠百厭的Bart，也因這個緣故，今次配音她也是自薦的，而最初試音時，她是先配囡囡及母親的角色，及後卻被選中演囝囝。問到自薦可有被壓價？她說：「冇，其實今次搵了好多人casting，我覺得自己致勝秘方是笑聲同原裝版神似，所以都好驚被質疑有冇重新配過。」

　記者指她搶了男藝人的飯碗，可擔心與男藝人結怨？她笑說：「冇計，女演員反而唔會仇視我。」另外，阿詩前晚與容祖兒被影到前後腳往睇英國人氣歌手Mika的音樂會，問到她是否相約了Joey去的？阿詩否認說：「我係約Mika先，但唔係約Joey，Wyman都有去，好多圈中人都有去，（見唔見到Joey？）梗係見到，人家睇Mika，又唔係睇我個騷，（私底下可跟Joey交流一下Mika的音樂？）唔會成日有機會見面。」