 放大圖片
■《溏心風暴》即將功成身退，於是輪到「師奶」的商天娥與艾威登場。
【本報訊】商天娥與艾威在劇集《師奶兵團》中飾演夫妻深入民心，昨日兩人更聯袂接受新城《家天下》節目訪問。無線近期為谷《溏心風暴》收視，頻頻安排劇中演員亮相，以致《師》劇風頭被搶，娥姐卻沒此感覺，她道：「大家都咁好。（可有信心收視勝《溏》劇？）有信心，因為《師》劇仲有十集未播，未來劇情仲有幾殼眼淚，所以好有信心會打破《溏》劇收視。」她更透露為了搶回老公，會不惜下毒哩！
對於劇中另一演員謝天華被投訴托眼鏡時舉中指，娥姐即撐天華道：「托眼鏡都係咁，我都係用中指托眼鏡。」再問她打算何時做真正的師奶？她道：「遲搵啦！或者到六十歲先結婚，潮嘛！呢行都冇人六十歲先結婚。（你不想做媽咪嗎？）唔會啦！（是否在劇中湊仔嚇怕了？）都係蕂！」講起劇中兒子梁逸羽，娥姐與艾威都滔滔不絕，娥姐笑道：「佢既名輕飄飄，但其實係一塊磚頭，推唔郁。」艾威則讚他文武雙全，原來他們今次已是第二度合作，之前在電影《天生一對》中已扮演過父子，所以也覺得大家很有緣，至於會否上契？他笑道：「睇佢識唔識做啦！」
|
放大圖片
