 放大圖片
【本報訊】（記者 李思穎）薛凱琪昨日出席「Jam Tee Project」發佈會，並展示由她親自設計的兩款T-恤，她以「hand cream」和「個人沉思的剪影」為圖案，兩款三色的T恤，限量發售共三百件，而她更將自己一手一腳設計的tee送給生命中五位重要的親朋好友，分別是爸爸、余安安、Wyman、周國賢、詹瑞文，反而緋聞男友房祖名榜上無名，不過薛凱琪事後表示，送禮物給朋友無需做出面，平時都可以送，看來她對祖名還是喜歡「低調傳情」。
祖名隻手比較「鞋」
薛凱琪笑說：「送T恤已經揀了這五位，所以選不到祖名。（從來無想過送給祖名嗎？）唔好咁講，今次係我第一次設計T恤，認識的朋友都會送，人人有份。（無論有無緋聞的朋友皆有份兒？）我都無咩緋聞，總之人人有份。（連周國賢都有份，無份的祖名必定好傷心？）送禮物畀朋友，對人好唔使做出面，無需選在招待會時送，平時都可以送，我會揀送hand cream 設計的一件給祖名。（真係好有心意，係咪暗示祖名無手仔拖，欠缺滋潤？）佢經常彈結他，隻手比較『鞋』，所以要用 hand cream。（你知佢隻手比較『鞋』？）唔知，通常係咁樣。其實今次個project 係有禮盒裝，可以暗地裡寄給朋友，成件事好 sweet。」
畫作不會輕易贈他人
薛凱琪出席活動時不知有酬勞，她坦言聽到可以設計衫已經好開心，皆因她對任何事都好慷慨，唯獨親手畫的畫是不會轉贈他人，畢竟每幅畫都付出過不少心機，所以家中放存了不少作品，沒有送給別人，但是設計T-恤便可以同人分享。
|
放大圖片
