 放大圖片
■Britney家居游泳池被查，原來係奇雲報寸。
Britney最近因為被政府有關部門評定家中游泳池不符合安全標準，搞到要即刻帶埋兩個囝囝入住酒店，又將那間比華利山大宅以300萬英鎊放售。但原來今次Britney無端被查係有人報寸，金手指就係Britney前夫奇雲！話說奇雲主動報料畀政府有關保護兒童單位，大爆Britney屋企游泳池沒有裝設圍欄，危害兒子安全，於是有關當局就派員上門調查，結果Britney就上演了一幕「避難記」。究竟今次奇雲係好心定想報復呢？又係一個謎。
另外，怪行連連的Britney最近在荷里活某酒吧中向該店經理表示，自己好有興趣做女侍應，皆因她們所穿的紅色緊身制服十分性感。
Britney做侍應
Britney竟然連工作申請表都填埋，經理明知佢只係開玩笑，但見佢咁認真個樣，又同佢癲埋一份，請佢入房做interview。據知Britney的新碟會在聖誕節推出，此舉莫非是宣傳伎倆？■文：飛馬
|
放大圖片
