 放大圖片
■阿B在夜店演唱，覺得別有情趣。
【本報訊】（記者 梁靜儀）鍾鎮濤（阿B）前晚於尖東富豪酒店一間夜店舉行「日日是好日」酒吧騷，上次阿B於銅鑼灣一間夜店演唱時，被到場採訪的記者於附近撞破廣播處處長朱培慶與豔女郎CoCo繞手同行，事件鬧至滿城風雨，前晚到場採訪記者人數明顯比上次多了一倍。阿B到場見到現場眾多記者，也忍不住笑問：「嘩，今晚做乜咁多記者？」
記者說：「你依家搵活動邊有人敢唔嚟。」笑問到他可有通知一些高官朋友來捧場？阿B搞笑說：「我已經在blog上講明呢間至係，唔好去錯，唔係撞到CoCo都唔定。」笑問他經過上次事件後，可有高官或朋友向他查問「星蹤」？阿B即扯開話題，他說：「當我唔彻，呢排我真係成日撞到野，之前去睇利物浦球賽，都畀個波掟中心口。」
「高官殺手」風騷
重提朱培慶事件，阿B坦言當晚出門外抖涼時，見到門外好熱鬧，見到好似麻鷹捉雞仔咁。笑問他可有見到朱生拎住個假髮？阿B表示見唔到，但見到有人衝入大廈，而事件發生後，他都未有撞見過朱生。
記者又笑指他被封為「高官殺手」，阿B即表現得有點抗拒，他表示自己和很多高官好friend，之前更曾與廖（秀冬）局長行騷，行完環保幾好，個天都藍些。阿B人氣提升不少，人更風騷了，他笑指上次件事無端上了幾日港聞頭條，贊助商可謂值回票價，剛巧有相士批他很旺別人，更有朋友每次入賭場前都致電給他，希望沾點旺氣。
|
放大圖片
