|
【本報訊】（記者 李思穎）肥姐沈殿霞前日已從瑪麗醫院返家休息，不少傳媒在其家樓下等候，搞到李香琴不敢去探望。前日無意中爆肥姐要接受化療的琴姐(李香琴) 昨日接受電台訪問，琴姐透露昨早有打電話給欣宜，她說肥姐很倦，讓她睡覺休息，所以沒有接聽電話，而欣宜也患上感冒，琴姐叮囑欣宜要小心身體。
琴姐表示：「拉姑老公退休設宴當晚，我都有見到肥姐，佢頭盤未食完就走，看來精神比較弱，有時我打畀佢時剛剛在醫院檢查，所以講兩句便收線，有時賓妹話佢睡了。（知不知肥姐的病情？）我唔清楚，早在個多月前通過電話，佢都好精神，無野，幾好呀。」她們互相問候期間，肥姐向琴姐透露要休息多一年半載才可以工作，琴姐便叫她保重。（你話肥姐要做化療？）「一定要做化療，好似羅家英做完手術都係要做化療，但做化療時便會辛苦，我有些朋友有些病都要做化療，係一個療程，唔係大問題，我同欣宜講想去探肥姐，佢話好多狗仔隊在樓下，咁樣我又唔想去，所以只通電話，我想去探佢，睇下邊個時間無咁多狗仔隊便會去。」
|
