 放大圖片
■吳浩康和鄭希怡都是過來人，對「新秀」參賽歌手力加鼓勵。
【本報訊】「英皇新秀歌唱大賽2007」現正舉行，高層吳雨及霍汶希等日前親自揀蟀，率領吳浩康及鄭希怡等歌手出席首輪面試，不少參加者選唱英皇歌手歌曲，務求博得評判歡心，吳浩康化身魔鬼評判，揚言參加者準備不足，均一律照「叮」無情講。
鄭希怡表示已是第三年做試音評判，她說：「今年年齡差別大了，年輕年長都有，公司都多後生歌手，最緊要唱歌唱得好，幾多歲冇所謂。」鄭希怡透露自己17歲參加新秀，當時她選唱張惠妹的歌曲，比賽緊張得發震，幸好演唱中途獲一位評判對她報以微笑才增強信心，她說：「所以我盡量向每位參賽者微笑，希望佢瓊唔好咁緊張，就當我瓊透明得喇。」
吳浩康：最緊要有自信
吳浩康亦是第三年做評判，他透露當年給泳兒很最高分數，提到今年參賽年齡由15至40餘歲均有，他說：「15歲參加勇氣可加，參賽者最緊要有自信，外形唔好可以裝備。」不少參賽者揀選吳浩康的歌曲，他說：「揀我的歌當然開心，但我會唔敢望，怕令佢瓊有壓力，我當年唱完緊張到返埋位都腳震。」他揚言評分絕不鬆手，如果參加者準備不足，就算選唱他的歌曲亦冇情講。
「歌唱大賽」冠軍得主除了獲得歌星合約外，還有獎金獎品總值十萬元，而今年更加增設冠軍得主提名人可獲壹萬元現金獎，最後截止日期為18日。
|
放大圖片
