|
【本報訊】（記者 李思穎）最近有報道指李克勤被懷有身孕的太太當出氣袋，令克勤有產前抑鬱症，又指克勤新歌《分岔口》憑歌寄意暗示婚姻破裂，克勤對於上述報道大感無奈，強調和太太一切正常，生活愉快。
克勤謂：「朋友見到報道之後，便傳短訊給我問是否需要抑鬱藥，娛樂圈是圓的，咁寫我又何必呢，唔好咁黑心啦，總之我們一切正常，無穿無爛，生活愉快。（你係咪憑歌寄意？）新碟裡有二首歌都係我寫，分別是《小寶寶》和《分岔口》，後者是講二個人生活一段長時間，便發生問題，料不到會把內容代入我身上，老實講文人多大話，我寫過逾百首歌，若然每首歌都同我有關便不得了，好似《空中飛人》，唔通寓意我係馬戲班做過咩，這些婚姻破裂的字眼會嚇親我屋企人，所以要同朋友講，我們沒事，不用擔心。(是否令家姑、老爺擔心？）他們一星期見幾次面，根本沒有問題，只係嚇親朋友。（太太有否不快？）多少都有，好在佢EQ高，我本來無抑鬱，睇完該些雜誌之後，即刻有抑鬱。」
報道講到你太太好惡？「如果係就拿出證據來。(佢係你面前好溫柔？）唔想講咁多，不想幫人宣傳，總之我們一切安好。(不是要幫太太澄清一下嗎？）認識我們便知是什麼一回事。」
|
