應邀威尼斯人演唱 阿詩疑到美國賭場

放大圖片

　■何韻詩賭場演唱，與輕佻的洋漢逗趣。

　【本報訊】前晚何韻詩獲邀到澳門最近新開張的威尼斯人賭埸酒廊演出，不少香港歌迷更專程到澳門支持偶像。阿詩乘直升機到場時，不少賭客都紛紛湧到台前欣賞，她說：「入到威尼斯人賭場，真係以為自己去了拉斯維加斯，唔係有工作人員帶路，自己一定會迷路。（咁去到有無賭兩手？）無呀，自己無咩賭運，之前入賭場都好少玩，否則輸晒搵歌酬就弊了。」

　行程匆忙，阿詩大嘆沒時間到處遊覽，晚飯只能在房間吃海南雞飯。阿詩今次還發現自己其實有不少葡國歌迷。當晚阿詩演唱時，有一位洋漢司儀以唔鹹唔淡廣東話問阿詩，幾時會開演唱會，之後便開始胡言亂語，要求阿詩下次演唱會給他VIP票，又稱要求做阿詩演唱會嘉賓，後來又說要在紅館開演唱會，邀請阿詩做他的嘉賓，胡說一番，引得哄堂大笑，洋漢司儀最後更唱出《月亮代表我的心》以證明在紅館開演唱會的決心。