 放大圖片
【本報訊】早前被報章拍得鄭融(見圖)與劉浩龍在車廂內吞雲吐霧，報道出街後，鄭融即決定戒煙，脫離煙剷行列。而形象反叛的她，居然當上基督教刊物《天使心》十月號的封面人物，更在訪問中親述決心戒去吸煙陋習，剖白自己成為基督徒的經過。
鄭融這次戒煙，並不是擔心自己形象受損，而是因為她在信仰中得到啟蒙，她說：「形象同信仰有乜衝突呢？那些緋聞和負面新聞，好多我都唔知効邊度嚟！那次被人拍到我食煙後，我就問媽咪點算，媽咪就話：『神唔鍾意你咁做！』我話：『黐線！』食煙是個人喜好，又不是犯法，只要神接受，食就食，唔食就唔食蕂啦，有乜問題？後來，媽咪就拿出聖經來跟我說，聖經都有講，但凡傷害自己身體的事，神都不會喜悅。聽完佢講，我又真係服晒！」
鄭融在訪問中更提到未戒煙時，經常都要偷偷摸摸地吸煙，她說：「以前我每次錄完音，總會想食番支煙，唔食唔安樂，都會覺得有搵偷偷摸摸；但媽咪跟我講完之後，我就冇再食煙。而決定這件事，我覺得都是神幫我，唔食就唔食，我冇掙扎過！而且唔食煙幾好呀，個人舒服搵、輕鬆搵、健康搵，仲可以慳番搵錢，又可以唔使被人影到我食煙相！」
|
放大圖片
