|
【本報訊】張敬軒近年豬籠入水，最近有雜誌偷拍到他與一名女子結伴睇樓，有意在港置業。軒仔昨日出席綵排活動，就有關睇樓的報道，軒仔大方承認 :「我係有睇樓，不過這個女仔係我的女助手，當日仲有司機去，我係去西貢睇樓，有錢就去中環啦，況且當日我都係得個睇字。」
軒仔笑言，當時都知道有狗仔隊在場，他亦主動問他們想問甚麼，他會合作的。軒仔在樂壇發展漸見成績，今屆「全球華語歌曲頒獎禮」的「最受歡迎男歌手」最後五強中，軒仔也成功入圍，對此他表示很開心，但他就看好陳奕迅。
軒仔得悉今屆頒獎禮將不設最佳創作歌手獎，作為創作歌手的他，就覺得創作歌曲有如賭錢一樣，運氣也佔上一定的因素。
|
