 放大圖片
【本報訊】（記者 梁靜儀）六位出爐亞姐昨日到尖沙咀一間車行領取獎品，其中冠軍張家瑩更得到一部價值超過十萬元的小型跑車。
昨日領獎的佳麗有雙料得主、冠軍兼「完美體態小姐」張家瑩、亞軍崔智熹、季軍孫辰、「最上鏡小姐」莉哈．歐凱智、「友誼小姐」吳嘉星及「魅力秀髮大獎」黃倩婷。
繼張嘉兒當選港姐冠軍被為「最醜樣港姐」後，擁有一張「pizza面」的張家瑩亦慘遭網友狠批醜樣，不過兩位冠軍佳麗同樣擁有高EQ，一於無懼網友的批評並視為反面鼓勵。
老了也許會去拉面皮
張家瑩由於連日來要應付競選，以致臉上長出不少粒粒，對於遭網友狠批醜樣，問到張家瑩可有唔開心？她仍死撐說：「冇喎，我好開心呀，大家都注意到我呀，我已好榮幸。」她又稱批評一定會有，一定會有人鍾意同唔鍾意自己，我會努力進步，令大家鍾意自己。再問她外觀可以怎樣改？張家瑩將個波交給亞視說：「唔一定外表進步，希望亞視訓練到我，令大家接受我。」
問到會否去整容？張家瑩有所保留的說：「暫時唔會，但唔排除老了會去拉面皮，如果我無腮骨，大家都唔會寫我。」對於被網友指她與張嘉兒似樣，問到她可覺得？張家瑩帶點不屑的說：「如果大家覺得我瓊地似咪似囉，我好耐無返香港，對香港藝人唔認識，不過立𣈳眼見到張嘉兒都幾靚女，OK。」
吳嘉星保持友誼力撐
「友誼小姐」吳嘉星賽對於敗在張家瑩手下，她表示輸得心服口服，更指對方勝出是實至名歸。說到張家瑩被網友狠批，她卻維護地說：「我覺得佢好大家閨秀，好淡定，總之各花入各眼。」問到可擔心類似的批評發生在自己身上？吳嘉星笑道：「我一直都有（負面報道）啦，有好有唔好。（怎樣面對？）平常心，有批評至有進步。」
談到張家瑩被網友指為「pizza面」，吳嘉星一時衝口而出說：「身體髮膚受諸父母，佢眼大，塊面體積自然大搵。」
|
放大圖片
