 放大圖片
■對於《再會歡樂今宵》，王晶與汪明荃各抒己見。
【本報訊】（記者 梁靜儀）近日播映的《再會歡樂今宵》被批評節目沉悶，雖然一班演員都不認同，但前晚出席的王晶直指節目與不是現場直播有關。
王晶前晚以嘉賓身份出席，更一口氣錄影了兩集節目，還大談昔日在EYT任編劇的點滴。現已身為大導演的晶哥表示於1975至77年期間，曾半工讀為EYT任編劇兩年負責度橋，問到當年可有代表作？晶哥說︰「我編過一個由盧海鵬做，叫《摩登肥寶》的趣劇，仲編過一套係吳孟達做，但醒唔起個名﹗（再搵你度橋你制唔制？）依家有咁多咁好的後晉，我呢搵老喇！」
自《再會歡樂今宵》播映以來，外間的反應只是一般，但就被網友批評內容沉悶？晶哥估計與節目是錄影有關，他說︰「可能以前EYT係直播，有好多蝦碌野發生真係好好笑，依家就變咗係錄播，可能現場氣氛冇咁熱烈。」主持之一的阿姐汪明荃，對於節目被評沉悶，她初時說︰「係咩？咁咪改進囉﹗」之後阿姐換上另一套靚衫錄影第七集時笑說︰「換下咪唔駛咁悶囉﹗」
胡楓於趣劇中黐上假鼻扮成龍大哥，談到節目被投訴沉悶，修哥卻力撐EYT係個好節目，他說︰「點會悶？後生未睇過以前的EYT，可以引起佢瓊興趣，至於年紀大的又可以回味下，EYT係一個好節目﹗」
|
放大圖片
