 放大圖片
■阿Sa踏入25歲，阿嬌和劉德華、軟硬天師、容祖兒一同祝賀生日。
【本報訊】（記者 李思穎）今日是蔡卓妍(阿Sa) 踏入25歲生辰，拍檔阿嬌在前晚的「麥當勞世界兒童日2007音樂會」特地準備了一個名牌標誌的蛋糕為阿Sa慶祝，蛋糕中央是粉紅色士多啤梨忌廉，寓意「當紅」意思。
阿嬌果然別出心裁，更拉來阿Sa的偶像劉德華、軟硬天師、容祖兒一同切蛋糕，壽星女首獲華仔陪同慶祝生日，自是心花怒放，對華仔更特別偏心眷顧，左挑右選一件最靚的蛋糕給華仔品嚐，阿Sa高調宣稱，今年的生日和新年願望最想4月舉行的演唱會請到華仔擔任嘉賓，現已得華仔答應盡量安排，看來阿Sa願望不難成真。
唔敢請華仔吻賀
該晚開騷前，阿嬌在後台已準備好蛋糕為阿Sa慶祝，當所有嘉賓華仔、軟硬、容祖兒齊集，又燃起蠟燭之際，正在化妝的阿Sa被催促出來，華仔便用雙手遮擋燭火，阿Sa笑言：「當時我化緊隻眼，佢瓊叫我快些出來，我好感動。不過我給Joey嚇倒，佢係我旁邊話叫華仔錫我一啖，嚇得我即刻話唔好，通常佢諗到的都會講出來，慶幸我a得住。」其後阿Sa切完蛋糕，喃喃自語要揀一件最靚的給華仔，大家取笑她待華仔不俗，阿Sa笑咪咪說：「我一向對人都咁好。」昨晚她要出席《勁歌金曲》節目，翌早便起程赴廣州，所以今年的生日將不會特別慶祝。
與東亞關係下月五日揭盅
阿Sa的生日願望是請到華仔和Sammi做演唱會嘉賓，華仔表示：「好呀，盡量啦，視乎會否跟電影撞期。（一起跳辣身舞？）唔敢跳辣身舞，大家太熟怕尷尬。（你的演唱會又會否請Twins做嘉賓？）先請她們來看，睇下喜歡哪個部分，當中有織女、魔術女郎變換服裝，曾經想過將我由有衫變到無衫，然後兩秒間迅速降落台底消失，最後擔心被影到醜樣的表情而擱置，絕對不是身形問題。有關加盟東亞一事，華仔表示在下月五日的記者會上便會公佈詳情。
|
放大圖片
