 放大圖片
■阿詩真係「人細志大」，竟把Hotcha三靚女視為女兒。
【本報訊】（記者 李思穎）何韻詩昨日聯Hotcha為本月28日舉行的「neway shall we音樂會」排舞，席間Hotcha突然送上禮物給阿詩，原來是一條毛巾和一雙波鞋，Hotcha解釋跳舞會流汗，所以便送毛巾給阿詩抹汗，十分細心。阿詩心目中卻視Hotcha如女兒，被問到她是否生得出Hotcha時，她表示「咁又唔得！」阿詩與跳家班的Hotcha合作表演，問她可會感到有壓力？阿詩不甘示弱謂：「我都係老前輩，亦係跳舞出身，唔會有壓力。」Hotcha經常露腰演出，問阿詩有甚麼可以露？她幽默地說：「我可以露頭髮和路路暢通，哈哈！」
聖誕檔期是紅歌手們賺外快的大好機會，不過阿詩就年年聖誕都好得閒，沒有工開之下，她最喜歡相約朋友開派對慶祝，阿詩開心表示：「今年我唔得閒開派對了，因為我終於可以開齋，今個聖誕我會在工作中度過。（係咪你以前收得貴，所以無人搵你做野）反而依家收得仲貴，先有人搵。」提起過往的聖誕派對，阿詩以「輕微虐待狂」來形容自己，她表示：「每次開派對我都會諗出一些好變態的遊戲來玩，試過玩跑斜路，又試過成隊人罰吃一大條的麵包，記得有一次我想陷害別人，怎知到頭來害了自己，被罰飲2公升的汽水，結果搞到自己嘔汽水柱。」問阿詩有沒有邀請過好朋友（容祖兒）出席過她的派對？阿詩表示「唔敢請佢，我怕食檸檬，通常紅歌手都唔得閒，不過今年輪到我唔得閒，變咗紅歌手了，哈哈！」
|
放大圖片
