 放大圖片
■阿倫竟突然殺到，華仔即以熊抱表示驚喜。
【本報訊】（記者 植植）校長譚詠麟前晚神秘現身華仔第十四場個唱，突擊上台殺華仔一個措手不及，不單清唱《下雨晚上》一曲，並且又大數華仔二十多年前舊事，最後被華仔要求合唱《一起走過的日子》時，華仔說假如不識唱就認真抵打兼請回，阿倫馬上鬼馬拿出貓紙，料不到被華仔一手搶過來撕爛，阿倫得意大笑，又鬼馬於衫袋裡面拿出第二張貓紙，華仔又一手搶去撕碎，引得全場大笑，兩張貓紙沒有了的阿倫，惟有指著華仔大笑道：「你笑啦你，你試下老多十年你就知！」不過譚校長當然是寶刀未老，跟華仔一同唱著歌，一點也沒失場，最後獲得全場掌聲。
此外，前晚阿叻陳百祥、梁詠琪及鄒文懷、谷德昭等也是座上客，到演唱會捧華仔場。
意外開心 兩人熊抱
前晚阿倫事前沒通知下神秘現身，帶給華仔很大驚喜，華仔見阿倫上台，馬上說：「你又話好忙來不到！」阿倫笑道：「我瓊咁好朋友，再忙我都要飛返來睇你啦！」兩人即時來一個熊抱，十分開心。 華仔忍不住指著阿倫大笑：「你這個人真的很黐線，哈哈！」阿倫回話：「係呀，我係黐。」華仔歌迷瘋狂大叫。華仔即叫阿倫：「你不要走過去，他們也是黐線的。」阿倫大笑後道：「我聽說呢度好電，搵人係咪電親咗個頭？唔怕我有準備，我特登著咗件膠衫嚟，唔怕電啦，我唔止著膠衫添，重著埋膠鞋、膠底褲添，唔怕你電。哈！哈！」
去年難過 險失偶像
講完笑，阿倫細說從頭，從二十年前華仔的奮鬥和兩人的交情講起，長篇大論，滔滔不絕，華仔於是打斷他：「你再講下去，我們今晚可能要罰錢啦！比少少時間我講兩句……我好想講，其實唔止係二十年前可能冇咗劉德華，其實07年演唱會前，我都經過心情起伏難過的日子，當時好多新聞……有些歌迷做了我自己都估唔到的事，我記得我接到校長電話，佢帶埋個心理醫生見我，好多謝阿倫開解我，叫我學識有事時要講出來，同朋友及身邊人分擔，否則07年，你瓊都可能失去你瓊偶像。」
|
放大圖片
