 放大圖片
■歐陽震華拿郭政鴻（左）緋聞開玩笑，鄧萃雯扮忠角，作狀掌嘴懲戒。
【本報訊】（記者 梁靜儀）無線新劇《尖子攻略》昨日試造型，歐陽震華（波比）、鄧萃雯、郭政鴻及戴夢夢等都有出席，最近被傳與滕麗名撻著的郭政鴻，更慘被波比拿他的緋聞來開玩笑，看不過眼的雯女即掌波比嘴幫拖。
昨日一眾演員輪流介紹自己的角色，當郭政鴻介紹自己的角色將與雯女有感情線時，歐陽震華就拿他的緋聞來開玩笑說：「係咪套劇撻著（指郭政鴻與緋聞女友滕麗名）？」郭政鴻即謂：「呢個劇我同雯女撻著！」波比勢不饒人續道：「一劇撻一個唔好喎，不過如果抽離唔到就唔好抽，我就次次都走得甩，抽離最耍家。」雯女見狀看不過眼，即用手上的馬鞭作狀掌波比個嘴。
郭政鴻唔認戀情
被玩的郭政鴻事後也苦笑謂無辦法，笑問他是否如波比所講抽離唔到？他笑說：「我瓊搵演員好厲害，話抽就抽，依家同雯女進入另一段新感情，上一段係老友。（仲有冇聯絡？）老友梗係有聯絡。」記者指他快些承認戀情就不用再被玩？他依然死口不認說：「認咩野𣜭？（阿滕不准你認嗎？）梗係唔係啦！（有傳你瓊之前一齊去新加坡？）餐廳呀？有冇相呀？冇就冇啦！（咁阿滕正定雯女正呀？）各有千秋啦。」
劇中飾演補習社老師的雯女，表示事前做足資料蒐集，更親身去過補習社取經，發覺時下的補習老師比演員更厲害，他們除了補習外，又怕悶壞學生，故上課時每隔一段時間就要講一個笑話，而且事前還要綵排像做騷一樣。為此雯女直言好擔心，她說：「自己放低書包咁耐，仲要出口成文？」 波比在劇中就要到球場教小朋友踢足球，肚腩凸凸的他被問到可擔心體力不繼時？他笑說：「仲有心有力！（你球技如何？）我係視藝會足球隊領隊，不過近兩年就少踢了。」
夢夢遇夏萍緊張
童星出身的戴夢夢首次為無線拍劇，她直言感到好緊張，因為有很多前輩級演員一齊演出，尤其是今次她與夏萍姐最多對手戲，覺得她好cool好型，所以都有點驚她。夢夢透露劇中是扮演茶餐廳的樓面，所以要學男仔頭及語氣粗豪一些。
|
放大圖片
