 放大圖片
■余文樂和冼色麗主演的電影《青苔》，前晚導演郭子健帶頭「放蛇」，以作宣傳。
【本報訊】（記者 梁靜儀）電影《青苔》前晚舉行「放蛇行動」慰勞宴，導演郭子健帶頭放蛇，而一班演員都畏縮退後，最怕蛇的余文樂更驚至瑟縮一角，反不及女主角冼色麗大膽，擾攘一輪後，阿樂才敢上前掂住大蛇影合照。前晚出席的演員還有廖啟智、樊少皇、劉錦玲、譚俊彥及邵音音等。
戲中飾演放蛇警員的阿樂，不但粗口爛舌，兼且召妓唔付錢，可謂衰到貼地，不過阿樂唔怕破壞形象，他指這是導演的要求，劇情需要。問到阿樂拍完此片粗口豈不是很流利？他不否認說：「不嬲都流利，多得彭浩翔上次拍《出埃及記》時獻出第一次。」他覺得拍戲講粗口很正常，而且他的角色是無教養。
去年拍七片 自覺非爛片
去年阿樂拍了七部電影，不過有雜誌批評他為搵錢買豪宅濫拍，重量不重質。對此阿樂說：「我唔覺得陳英雄、馬偉豪、陳木勝、彭發、鄭堡瑞（他合作過的導演）搵戲咁差，如果他們的影片都話爛片，�膝鄞艭x就應該睇多搵戲，而家電影市道唔係咁好，如果部戲太爛，電影公司都唔會開拍。」至於說他為搵快錢買豪宅，阿樂冷笑說：「我都有層樓供了兩年，就快供完，不過層樓係買畀父母的。」阿樂指《青苔》已報名參加康城影展，他希望影片能入圍。
戲中飾演妓女的冼色麗，不但性感欠奉，就算與余文樂的「床上戲」也只是講述兩人在床上傾偈。問到她是否唔「錫」得？冼色麗否認說：「相信唔會，只是劇本無安排。」
|
放大圖片
