 放大圖片
■黃宗澤和胡杏兒的「情侶騷」玩得滾瓜爛熟，今次阿澤跪地送禮，以老公老婆相稱。
【本報訊】（記者 李慶全）《野蠻奶奶大戰戈師奶》一劇已經曲終人散，但黃宗澤、胡杏兒這對熒幕情侶，昨日仍以情侶檔姿態出席某牌子相機的發佈會，齊齊搵真銀。兩人昨日繼續以老公、老婆相稱，黃宗澤更索性跪在地上送禮，及後大會安排女模特兒在台上教黃宗澤影相，杏兒又作狀呷醋，會上兩人亦互送相機做情人節禮物。
問到《野》劇大結局最高取得四十一點收視時，杏兒坦言很開心，前晚更相約一班演員齊慶祝。記者笑指他們經常以情侶檔姿態搵銀，收入大增，黃宗澤指不是經常，有時是為慈善的，不過，他坦言今次好開心，因為大家都分別獲贈一部相機，平時他也愛拍照，主辦單位更表示待他多儲幾年相，為他開影展。問到他們今年情人節又會否互送禮物呢？杏兒立即反問為何要送，而黃宗澤則指在活動上已互送了相機，都是禮物了。
問到黃宗澤平時可有影親密照嗎？他表示自己多影風景及靜物，杏兒亦指自己平時會多影食物及家中的愛貓。問到黃宗澤平時又有替杏兒拍照否？杏兒說：「冇乜。」但黃宗澤卻說：「冇呀！我剩係影靚的。」杏兒立即大發嬌嗔說：「乜你咁講？都唔識做，嬲呀！」之後黃宗澤立即補鑊，大讚杏兒靚，而且是最靚的。
|
放大圖片
